老婆肝肾肿瘤细咗2cm！TVB男星林子博带病妻车公
时间:2022-08-14 19:12来源: 作者:网络 点击:
次
据香港娱乐媒体最新报道，48岁TVB男星林子博去年一波多折，4月时太太董燕君（Shirley）确诊患上罕见的平滑肌肉瘤（腹腔）第四期，需要钱时却被TVB请食「无情鸡」，冇得捞兼要筹钱医
|
据香港娱乐媒体最新报道，48岁TVB男星林子博去年一波多折，4月时太太董燕君（Shirley）确诊患上罕见的平滑肌肉瘤（腹腔）第四期，需要钱时却被TVB请食「无情鸡」，冇得捞兼要筹钱医病，好彷徨，幸得古天乐等圈中人伸手援助度过经济难关。不过祸不单行，子博年尾又喺红隧炒电单车，好彩只系损手烂脚，唔够部车伤得重！咬紧牙关陪伴爱妻打咗大半年硬仗，2020年头终于报喜，子博说：「经过中西合璧及其他治疗，太太最新嘅检查报告显示原发性腹腔肿瘤及扩散开去嘅肝同肾肿瘤同样缩细咗2cm，最重要活跃程度降低咗，进展良好，总算松一口气。」
子博趁住猪年年尾嘅大吉日，带埋老婆及10岁儿子卓楠去咗车公庙还神兼转运，为免迫亲患病太太，他只身去买香烛、还神衣纸，仲迫埋入善信堆签香油，然后再拖手带领家人上香，转风车及敲鼓，而卓楠趁爸爸行开会帮手睇实妈咪，一家人好温馨。
至于带咗帽及假发，执咗个靓样嘅Shirley状态大勇，行动敏捷及精神饱满，明显肥返啲。
一家人诚心上香还神，希望鼠年一切安好，子博说：
「我冇贪心求财运，只期望一家人齐齐整整，健健康康，我属猪，喺猪年犯太岁，就当如发咗场恶梦，希望还咗神可以心安理得，往后日子好事齐来。
」一脸童真的卓楠则说：
「我只想学业进步，妈咪好返。
」
虽然太太进展良好，癌细胞缩细咗，而转移咗嘅癌细胞都消失埋，报告令人满意，但子博仍未敢松懈，希望太太keep住有进步：
「暂时完晒化疗，太太可以休息吓，集中火力中医及其他疗程，今年3月会再去医院照电脑扫描，再决定下一步治疗方法，睇吓会否采纳医生建议做电疗，了解吓电疗效用有几多。
」另外子博亦打消去美国求医的计划，「因为院方话根据基因测试，暂时未有合适配对，既然冇就做o依家可以做到嘅嘢。
」回复笑容的Shirley说：
「完成晒化疗，休息咗一排后开始有返啲力气，对脚冇咁易攰，行起路嚟都冇咁气促，之前赶去睇《除夕倒数咏香江》曾失重心搞到拗柴，好彩及时扶得住，否则就跌亲。
」
问到做紧Part time嘅子博的经济情况，他无奈说：
「暂时都冇得谂，始终太太康复之路好漫长，o依家我要多啲时间照顾家人，时间上未必做到正职。
啱啱先客串完ViuTV剧《地产仔》同埋拍咗套网剧，亦最想尝试拍电影。
」稚子唔觉意爆料：
「妈咪想爸爸搵古生，但爸爸唔肯！
」子博即更正：
「古生系你叫嘅咩？
如果有得做，爸爸乜都去做！
」岂料卓楠却说：
「爸爸又唔去做洗碗同保安，可以赚到好多钱o架，我志愿系做洗碗同埋煮饭，卖珍珠奶茶，咁就可以畀到钱爸爸、妈妈，自己又会有好多储蓄，同埋买到楼喇！
」Shirley见儿子的孝心，笑得开怀：其实佢同姐姐都好锡爸爸，好担心爸爸冇工做，冇钱不知点算好，见楼下请保安，月薪$16800，另有个姐姐去咗做洗碗，月入二万，所以佢就有咁单纯嘅谂法，好搞笑。
1月8日系董燕君生日，当天一家四口出外食饭庆祝，子博冧妻留言：林太生日快乐～老婆，一定要身体健康！
锡晒你！
听听话话抗病，想游（游）山玩水我天涯海角都陪你去！
Shirley生日愿望只求健康，同埋最爱佢嘅人陪伴就够，不需要大排筵席同名贵礼物。
古天乐都好关心林子博的家庭状况。
子博话喺新嘅一年会听晒老婆话，因为上次唔听讲，就发生炒车意外！
最新最快最全港剧港星资讯
(责任编辑：月落无声网) |
织梦二维码生成器
------分隔线----------------------------
